Ang araw ay
pansamantalang
Lulubog dito
at doon ay gagawi
Sa kabilang
dako ng daigdig
Upang liwanag
niya’y ibahagi
Kasabay ng
kanyang pag-ngiti
Ay ang
pagsambit niya ng “hanggang sa muli”
Bilang
panghuling pagbati
Sa pagpasok
ang takip-silim
Ngayon, sa
gabing hahalili
Ang buwan sa
ulap sana’y hindi magkubli
Upang ang
hiram nitong liwanag sa araw
Ay siyang
ilaw sa magdamag na magsisilbi
Oh araw na
nasa langit
Ilaw ka ng
buong daigdig
Gabay ka ng
mga tulad kong
Hindi lang
minsan sa buhay ay nalihis
Bukas sa
muling pagsikat mo
Ay nais kong
halikan mo’ko sa pisngi
At iyong
bulungan sana katulad ng lagi
Ng
“magandang umaga” bilang paunang pagbati
Ngunit sa susunod mong pagdating
Kung sakali mang hindi na ako magising
Para sa
mapapalad na mananatili pa
Ang siya ko
na lamang hiling
Sa bawat
bukang-liwayway sanang sasapit
Pag-asa ang
ihandog mo mula sa langit
Upang dito
sa mundong aking lilisanin
Liwanag sa bawat puso ang siyang maghahari
Magandang araw po sa inyo Lakay Promdi! Ako po ay isang mag-aaral sa San Beda University at lubos na napahanga po ako sa mensaheng nais iparating ng inyong tula. Alinsunod po rito ay ninanais po naming gamitin ang ilan sa mga piling na saknong ng inyong tula upang maging bahagi ng mga saknong ng aming binuong kanta. Ito po ay gagamitin namin sa aming Performance Task bilang "theme song" sa asignaturang "Theology" na naglalayong bumuo ng isang "infomercial" na nakaayon sa sampung utos ng Diyos. Ang pamagat po ng aming gagawing infomercial ay pinamagatang "Dapithapon" kung kaya't akmang akma po ang tema ng inyong tula sa aming gawaing ito. Ninanais po namin ang inyong taos-pusong pagsang-ayon at pahintulot upang maging makabuluhan ang aming gawain. Sisiguraduhin po namin na mabibigyan po kayo ng tamang pagkilala sa aming gawain. Maraming salamat po!
TumugonBurahinmagandang araw po. una po sa lahat ay nais ko lang din pong magpasalamat sa inyong paghanga sa isa sa aking mga tula. nagagalak din po ako na maging bahagi ito ng inyong proyekto. good luck po sa inyo and God bless you always. :)
TumugonBurahin